| Author |
 Topic  |
|
wcerto
Ahonui
USA
5052 Posts |
 Posted - 07/31/2011 : 2:14:33 PM
|
Peepo all ova neva like tell all da secrets. How else you going be da one what makes da wirl's best jambalaya or da wirl's best gandule rice?
And, by the way, if you left something out of the won bok salad recipe you wen give me, no mattah, was still ono and everyone loved it! Broke da mout'. |
Me ke aloha
Malama pono,
Wanda |
 |
|
|
sirduke58
`Olu`olu
USA
993 Posts |
Posted - 07/31/2011 : 5:28:59 PM
|
| Nah I no hold back wit' da recipes I give away. Cooking jalike music is all about da timing. Can get all da ingredamints but if da timing junk den da ting goin' taste junk. Music, you can get all da right notes all in da right places but if your timing junk den a buggah goin' sound junk. Den of course you gotta get heart.....cooking & music junk if nomo. |
Hoof Hearted?...Was it you Stu Pedaso? |
|
|
|
ypochris
Lokahi
USA
398 Posts |
Posted - 08/01/2011 : 07:18:17 AM
|
Wat, Duke, you tink I wen go leave somting out? Mebbe dat buttahfish? Mebbe sweet potato? Mebbe ni'oi? Oa was it da Spike I like pu' insai?
Hea da scoops- I like make dis kine in da jungle, plenny miles from da ka'a an da store. I lazy buggah, nevah like carry much obbah dere. So da recipe stay like i make um, mosly wid da kine i find on da aina. But true dat, stay pleeny moa can pu insai. |
|
|
|
sirduke58
`Olu`olu
USA
993 Posts |
Posted - 08/01/2011 : 2:57:11 PM
|
Nah Chris da tawt of you holdin' out nevah even cross da mind hahaha. My maddah who stay live Laupahoehoe (O'a as da residents say "Lapahoe") said da peepos ode'a famous fo' leave out one ingredamint. Fo dem az jalike one badge of honor if dey make da bestest version of one dish......"Eh you bin taste dakine's tofu salad? Soooooome good!!!!" den "I bin chrai make'um but da buggah no taste da same, ahdunno hacome" |
Hoof Hearted?...Was it you Stu Pedaso? |
|
|
|
thumbstruck
Ahonui
USA
2189 Posts |
Posted - 08/01/2011 : 3:30:20 PM
|
| Eh, Duke, Chris, Aunty Wanda! Not ony "Lapahoe" peepo leave out one ingredament. Ye'as ago I wen go one polka festival. Had one Slovenian guy, Stanko, stay cooking on da grill-- da bugga was doing oysters, bratwurst an' some sausage kine stuffs. I wen ax, "Eh, Stanko, what dat?" He wen tell, "Tschewaptschitschi!" (Slovenian guys like da consonants like local peepo like vowells). I wen ax, "Hahhhhn? Wot get insai?" He wen tell, "Biff, lamb, garlic, hahahahahahhaha!" I wen ax again, same kine answer. Bumbye I found one recipe, was beef, lamb, pork all ground up wit' as much garlic as you could stand, liddobit onion, Tabasco, oregano, shape into logs an' grill'em. Garnish wit' sauerkraut o'a yogurt wit' garlic insai fo' one dipping sauce. Was ono. I had to do homework fo' dat recipe, Stanko wen leave out couple t'ree ingredaments. |
|
|
|
Retro
Ahonui
USA
2368 Posts |
Posted - 08/01/2011 : 5:54:51 PM
|
| Stanko wen geev you lessons wun (da t'umb) & two (da vamp), but not lesson t'ree! |
|
|
|
ypochris
Lokahi
USA
398 Posts |
Posted - 08/03/2011 : 10:46:56 AM
|
Duke,
Das da kine I make Laupahoehoe side- bu' das Laupahoehoe Nui, not da same as Laupahoehoe town. Dat town stay North Hilo, bu' oua ahupua'a stay Hamakua side, almos to Kohala.
Key den, I goine tell um. Ovah dere we get one special kine kalo, tase almos like mo'a oa some kine meat. And das da secret ingredient. |
|
|
|
thumbstruck
Ahonui
USA
2189 Posts |
Posted - 08/04/2011 : 03:30:41 AM
|
| Mus' be somet'ing in da soil. |
|
|
|
ypochris
Lokahi
USA
398 Posts |
Posted - 08/04/2011 : 5:32:12 PM
|
Kay den, get one small kine change of subject, an remembah, I nevah like offend no one wid dis- jus da trut is all. Ebryone stay Hawai'i like be one Hawaiian, tradishonal kine, ancestah stay long time, full on cultural, all liddat, bu' da buggahs all coconut- brown outsai, white on da insai. Alldatime I like get some guys come stay on da ahupua'a, live tradishonal style moa oa less, put up one tatched hale and plant da lo'i. Some plenny guys like come holoholo, fly in one choppah, plenny coolah, plenny ice, plenny grines, da lamp and da stove an some plenny garbage too, an mos important, plenny beah. Den wen da ice she melt, oa moa like da beah stay pau, dey goine call dat choppah wid da cell phone and hele back to da ka'a, da stoah, dat refrigerator, and da montly check. Coconut kine.
So hea da question- wea stay da kine Hawaiians dat like go back to da tradishions? Oa dose wid Hawaiian heart? No moa already? Cause if get, I like fine um, tak story... |
|
|
|
thumbstruck
Ahonui
USA
2189 Posts |
Posted - 08/06/2011 : 4:55:00 PM
|
| Eh, Chris, nobody like go live hard kine if get house, plumbing, kitchen, bed, I-Pod, guitar, li'dat. Try t'ink how hard fo make guitar strings, picks even, if you no moa store. Seem like peepo like da "practical" kine. Tradition is moa how fo treat peepo, how fo carry memories of kupuna insai li'dat. My opinion and $3.50 will enable you to purchase a latte at any convenience store in the Puget Sound area. |
|
|
|
Retro
Ahonui
USA
2368 Posts |
Posted - 08/06/2011 : 5:52:28 PM
|
| If Chris comes up this way, he won't need the $3.50, cause we'll buy 'em for him! |
|
|
|
ypochris
Lokahi
USA
398 Posts |
Posted - 08/07/2011 : 06:10:22 AM
|
| I tinking get pleeny guys stay live on da beach dese daze, wen one hale O'ahu side cost ovah half a million. Mebbe somma dem guys like try old kine style. An we nevah too strickt- can paddle Waipi'o in hour an a half, trade some opihi oa da smoke meat foa dose strings. Mebbe sell handicraft, oa da kava, if like kala foa one new ukulele liddat. Dis place nomoa "hard kine"- moa like "Summertime", an da living is easy... |
|
|
|
ypochris
Lokahi
USA
398 Posts |
Posted - 08/07/2011 : 06:12:25 AM
|
"If Chris comes up this way, he won't need the $3.50, cause we'll buy 'em for him!"
Oh, an tanks fo dat! You nevah knows... |
|
|
|
sirduke58
`Olu`olu
USA
993 Posts |
Posted - 08/08/2011 : 02:44:48 AM
|
Eh Chris get planny kanakas dat tawk da tawk but no can walk da walk.Not so much dat dey "Coconuts"....brown ousai & white insai. Dey ste mo' like one "Milk Niko" ice creem...lila bit hahd on da ousai but soft in da middo.Hahahaha.
Livin' dakine ancient kine style I wood chance 'um if I no was too ugly looking in one maloBut not ony dat, dat friggin' malo look like reel sowah.Hahd on da okole Ho brah just da tawt wen lilamo make me hemo gutsBut serious kine, us modern day Hawaiians no can hando widdout now daze conveniences. Spoil awredde. Plus dat I get dakine sleep apnea and gotta sleep wit da CPAP mahsheen. Gotta get elektik dat.... unless get one dat run on fiyahwood
I tink so Kory is rite. If no can live in da old style ad lease can treet peepo in da old style.Wit' love, rizpeck & aloha
|
Hoof Hearted?...Was it you Stu Pedaso? |
|
|
|
ypochris
Lokahi
USA
398 Posts |
Posted - 08/08/2011 : 03:04:26 AM
|
I tink dat malo, she come latahs- foa da haad core tradishonal braddahs. Mosly tinking da 'ai and da hale foa statahs- a couppla kalo roots goine get you plenny outfit at my favorite fashon stoa- Goodwill. Bu' get plenny grines, plenny tatch, all kine stuffs you need ovah dere. Mebbe byembye 90% tradishonal. Wid da solah panel on da tatch hale- "take the best, leave the rest".
Me, I suppose foa use dat CPAP too, bu' no can sleep. I wen chrai um foa six mont, den las week I wen sen um back. I no like! |
|
|
|
Topic |
|
|
|
Is Posting In "Broken English" a turn off?
