| Author |
 Topic  |
|
Superslide55
Aloha
USA
13 Posts |
 Posted - 02/16/2011 : 10:40:25 AM
|
We be Ohana, no madda where you from. If you love dis kine mele, if you try to have aloha n'pono in all you do, Pidgin or no, it's all good!
Bless'n to all dis Ohana!
|
 |
|
|
ypochris
Lokahi
USA
398 Posts |
Posted - 02/16/2011 : 3:50:08 PM
|
Tia! I tinkin mebbe she be one nu Gabby oa Petah Moon, lidat, no?
Oh, nevah mine.
An Duke, I nevah ben try um yet. Byembye I goine try. Make some plenny pulehu rib dat oddah day, an da wahine no like grine moa pua'a.
I tinkin mebbe Hawaiian ohana need fo take one example from dose Egip guys. Oa mebbe dose benefits too ono? Nevah like give up dem Federal dollahs? |
|
|
|
thumbstruck
Ahonui
USA
2189 Posts |
Posted - 02/16/2011 : 6:57:43 PM
|
| Eh! Dem Middle East guys neva like kalua da pig. Tink of da ramifications! |
|
|
|
ypochris
Lokahi
USA
398 Posts |
Posted - 02/17/2011 : 3:08:41 PM
|
So, I wen hunt fo one fat sow foa make da green maia kalua pig, an you no I wen catch! I tell da countah man "try trow me dat pork butt" an he toss em to me. Den I wen go ovah to da maia patch, an dey get some I tink dey wen foget gas, stay green yet.
Funny ting, do- da pua'a ovah hea, I tink dey backword kine. Dis y- I wen wack, I donno, mebe tousand, two tousand pig Waipi'o side, an ebry one get da shouldah bone in da front. Bu dis pork butt, stay get one sholdah bone insai. So I tinking mebe da pua'a hea, de get da okole in da front, an das y da butt get shouldah bone. Backword kine, I tinking. Plenny ting dey gets backword ovah hea. Specially da priorities. Kala onli ting mattah, ohana an aina no mean no ting.
Anyways, I goine try da maia kalua. I tinking low an slow. Anybodys get tips fo me, no wait, yeah? |
|
|
|
Peter Medeiros
`Olu`olu
546 Posts |
Posted - 02/17/2011 : 4:11:32 PM
|
Nah bradda,
It’s all a mattah of perspective. You go turn da pork butt , you go givem one 180 degree turn anden da bone gonna go ste onda okole side Yeah?
|
|
|
|
ypochris
Lokahi
USA
398 Posts |
Posted - 02/18/2011 : 03:02:11 AM
|
| Mebbe you stay right, bradda Petah. Den agin, meebe da peopos ovah hea no can tell da okole from one puka in da aina, so dey nevah nose wich end da okole stay... |
|
|
|
thumbstruck
Ahonui
USA
2189 Posts |
Posted - 02/18/2011 : 07:22:11 AM
|
| Fo some kine reason, da "pork butt" is from da shoulda. |
|
|
|
sirduke58
`Olu`olu
USA
993 Posts |
Posted - 02/18/2011 : 08:50:32 AM
|
quote:
originally posted by ypochris
Funny ting, do- da pua'a ovah hea, I tink dey backword kine.
I ste chrai use logic he'a an I tink da Professah is rite.Mebbe wen you walk insai da mahket you went insai one difrent dowah an das y da pork butt was backwords.
But if das true dat da mainlan pua'a get da okole in front den mobettah da mainlan guys teach da pig how fo' walk backwords, no? |
Hoof Hearted?...Was it you Stu Pedaso? |
|
|
|
Peter Medeiros
`Olu`olu
546 Posts |
Posted - 02/18/2011 : 10:35:30 AM
|
E Chris,
Neva mind da pork butt. Go make shoyu chicken. Da mainland stores get good kine chickens lidat. I tink gonna come out mobetta. Jez go make sua like when you go stoa fo buy chicken, dat its chicken not frog, Dey look da same almos. You go eatem bumbye you going croak.
|
|
|
|
ypochris
Lokahi
USA
398 Posts |
Posted - 02/18/2011 : 1:12:36 PM
|
Get pleeny frog, but, Kohala side. Wen I firs wen stay wid my hanai fadda Waimanu Jack in Waimanu, we wen catch pleeny frog- bamboo, skinny fish line, an small kine plastic on end fo bait. Wen dat frog like grine yo "fly", one quik pull an da buggah come flying fo he can lego. Ono da leg! Jackie, he like prawn, bu I no can grine dat kine so we do da frog ting. Canna grine pua'a all da time. Nevah croak yet, cept da wahine tink I one bullfrog wen hia moe.
Talk bot grine pua'a all da time- I wen chri green maia skin "kalua", an da buggah tase like rost pua'a. Mebbe I no do um right? I donno. Mebbe no can unles get ti leaf fo flavah. I nevah like maia trunk in da emu anyhow.
I tink I goine go wit bradda Petah's manao- shoyu chiken, oa frog- i no kea. Ard fo tell wen da buggah no get featha. Da kua'aina nevah do too good town side. Moa bettah go home... |
|
|
|
thumbstruck
Ahonui
USA
2189 Posts |
Posted - 02/21/2011 : 2:52:44 PM
|
| Shoots! Even if ony chicken, dakine ono! Garlic, shoyu, ginger, brown sugar li'dat, maybe liddobit vinegar. Even Spam! |
|
|
|
wcerto
Ahonui
USA
5052 Posts |
Posted - 02/21/2011 : 3:45:36 PM
|
| gotta have liquid smoke, Chris. |
Me ke aloha
Malama pono,
Wanda |
|
|
|
ypochris
Lokahi
USA
398 Posts |
Posted - 02/22/2011 : 04:58:29 AM
|
| Bes I fine waz da chipotle Tabasco- kinda like ni'oi an liquid smoke... |
|
|
|
wcerto
Ahonui
USA
5052 Posts |
Posted - 02/22/2011 : 05:10:20 AM
|
Chris - they sell liquid smoke in any grocery store. And if you cannot find it e-mail me with your address and I will send you a few bottles. That is a cooking staple!!!!! And NOBODY should be kalua pua`a `ole. I think they might have it in the spice department at the store or maybe wherever they sell worcestershire sauce. Or if push comes to shove, ask the litle grocery man.
Paul ate escargot on the cruise. Yuck. On accounta I think when I was a kid and we sprinkled salt on slugs in the garden to watch them turn into slime. I figured snails would be the same way, no? |
Me ke aloha
Malama pono,
Wanda |
|
|
|
thumbstruck
Ahonui
USA
2189 Posts |
Posted - 02/22/2011 : 06:36:18 AM
|
| Desparate times have had an influence on cuisine. Lute fisk anyone? |
|
|
|
Topic |
|
Is Posting In "Broken English" a turn off?
